Sarri telefonon sulmuesin që s’ka shënuar gol që gjashtë javë
Trajneri i Chelseat, Maurizio Sarri e ka kontaktuar në telefon Gonzalo Higuain, teksa pritet të ndodhë shkëmbimi mes tij dhe Alvaro Moratas.
Sipas Sport Mediaset, Sarri është aktivisht duke punuar mbrapa skenave për t’u ri-bashkuar me ish-sulmuesin e tij te Napoli.
Kështu, të dyja klubet priten të arrijnë marrëveshje, derisa Sarri e kishte kontaktuar argjentinasin edhe muajin e kaluar për ta diskutuar situatën e tij, transmeton IndeksOnline.
Është raportuar se biseda ndodhi pasi Higuain u përjashtua me të kuq në humbjen e Milanit nga Juventusi, që rezultoi me pezullim për dy ndeshje për të.
Higuain nuk ka shënuar që 6 javë në Serie A dhe Milani nuk pritet të paguajë 36 milionë euro për blerjen permanente të tij në verë, ani pse tashmë ka paguar 18 milionë për huazimin 1-vjeçar.
Kështu, edhe Milani shpreson ta dërgojë Higuainin te Chelsea, e në shkëmbim për ta marrë Moratan./IndeksOnline/