11:05 / E Martë, 06 Korrik 2021 / B O

Së shpejti të gjitha veturat do të jenë me kufizues të shpejtësisë

Është një marrëveshje midis Komisionit Evropian dhe institucioneve të BE-së nga viti 2019, e cila është zhytur në harresë dhe mund të ndryshojë në mënyrë drastike botën e veturave dhe transportit rrugor në përgjithësi.

Ky vendim duhet të hyjë në fuqi në vitin 2022, që do të thotë që prej atëherë të gjitha veturat e reja do të pajisen me një kufizues.

Nuk nënkuptojmë kufizuesit klasikë që kufizojnë shpejtësinë me 250 km/orë ose 180 km/orë siç është rasti te Volvo.

Duke gjykuar nga njoftimet, kufiri do të jetë dukshëm më i ulët dhe do të varet nga një numër faktorësh.

Gjegjësisht, ky sistem duhet të përdorë të dhëna të pozicionimit GPS, sisteme të leximit të shenjave të trafikut dhe ndoshta raporte të gjendjes së rrugës.

Kjo do të thotë që kufizuesi do të punonte në të gjitha rrugët publike, në rrugët e qytetit dhe autostrada.

Rory Reid gjithashtu foli për gjithçka dhe regjistroi një video në të cilën ai shpjegon se çfarë mund të presim në të ardhmen.

Ligji do të zbatohet për të gjithë BE-në, përfshirë Mbretërinë e Bashkuar, dhe supozohet se do ta çojë botën më fuqimisht drejt zbatimit të sistemeve të drejtimit autonom.