21:43 / E Premte, 18 Shtator 2020

Seanca mbyll punimet, vazhdon të hënën

Kuvendi i Kosovës ka mbyllur seancën plenare për të vazhduar të hënën në ora 10:30.

Seanca për raportimin e ministrit Agim Veliu për gjendjen e sigurisë në Karaçevë ka zgjatur rreth 5 orë, ku pati përplasje ndërmjet deputetëve të VV-së me ministrin Veliu.

Në fund të seancës u hodh në votim edhe projektligji për rimëkëmbje ekonomike të propozuar nga PDK-ja, por që nuk pati kuorum.

 “Konstatoj se me 18 vota për, dy vota kundër dhe 19 abstenime, konsiderohet se nuk ka pjesëmarrje të mjaftueshme për votim. Dhe kjo do të trajtohet bashkë me pikat tjera që kanë mbetur për votim”, tha ajo.