Senatorja franceze, sulm ekstrem Benzemas: T’i hiqet pasaporta dhe Topi i Artë

Valérie Boyer, senatore franceze nga partia republikane, bëri thirrje këtë të mërkurë për masa të ashpra ndaj Karim Benzemas, disa orë pasi ministri i Brendshëm i vendit, Gerald Darmanin, denoncoi publikisht lidhjen e sulmuesit të Al Ittihadit me Vëllazërinë Myslimane, një grup terrorist nga i cili Hamasi e ka origjinën.

“Nëse, siç pretendon Ministri i Brendshëm, Karim Benzema është “i lidhur me Vëllazërinë Myslimane”, kërkoj sanksione, përkatësisht heqjen e shtetësisë. Është urgjente të veprohet kundër atyre që kërcënojnë vazhdimisht vendin tonë”, lexohet në postimin e Valérie Boyer në X (Twitter).

Në shënimin e publikuar, senatorja thekson gjithashtu se Karim Benzemasë duhet t’i hiqet Topi i Artë që fitoi vitin e kaluar, shkruan ss.