Sezoni i tretë dhe i fundit i “Squid Game” thyen rekordet e shikueshmërisë në Netflix

Sezoni i tretë dhe përmbyllës i serialit të famshëm “Squid Game” ka shënuar sukses të jashtëzakonshëm që në ditët e para të publikimit, duke vendosur një rekord të ri për Netflixin si lansimi më i madh televiziv ndonjëherë.

Brenda tri ditëve të para të publikimit, sezoni final ka arritur mbi 6.1 milionë shikime, ndërsa ka gjeneruar 368.4 milionë orë shikimi, një sukses që e tejkalon çdo projekt tjetër televiziv në platformë deri më tani.

Për krahasim, sezoni i dytë kishte nisur me 68 milionë shikime brenda katër ditëve në dhjetor të vitit të kaluar.

Megjithëse ky sezon është paralajmëruar si i fundit, mediat ndërkombëtare raportojnë se regjisori i njohur David Fincher është duke punuar për një version në gjuhën angleze të “Squid Game”. Fincher njihet për bashkëpunimin e tij me Netflixin, përfshirë serialin e njohur “House of Cards”.

Megjithatë, krijuesi i “Squid Game”, Hwang Dong-hyuk, ka deklaruar se nuk ka informatë zyrtare për versionin në anglisht.