15:06 / E Enjte, 20 Qershor 2019

SHBA-të konfirmojnë rrëzimin e dronit nga Irani, ai kushton 180 milionë dollarë

Zyrtarët e lartë amerikanë kanë konfirmuar se Irani ka rrëzuar një nga dronët amerikanë që kushtojnë nga 180 milionë dollarë, por mohojnë pretendimet e Gardës Revolucionare të Iranit se kishte hyrë në hapësirën ajrore të Iranit.

Ushtaraku iranian Hossein Salami, sot ka deklaruar se njerëzit e tij janë “të gatshëm për luftë”  dhe se dronin e kanë rrëzuar pasi që për ata “kufijtë janë vijat e tyre të kuqe”

Agjencia e lajmeve e Republikës Islamike, kanë publikuar fotografi me të cilat pretendohet se tregojnë fluturaken duke u djegur në qiell, por ato imazhe janë shkrepur dy vite më parë në Jemen.

Teherani pretendon se ka shkatërruar dronin RQ-4 Global Hawk që po fluturonte mbi provincën Hormozgan, por zyrtarët amerikanë thonë se bëhej fjalë për MQ-4C  Triton që po fluturonte në hapësirën ajrore ndërkombëtare. Këto dy fluturake ngjajnë shumë, kurse Triton është një variant tjetër i Global Hawk.

Triton ka zëvendësuar aeroplanin spiun U-2, që fluturon shumë lartë dhe mund të detektohej nga radarët e sofistikuar dhe mund të rrëzohej me raketa me GPS, siç është sistemi raketor rus S-300 gjë që e ka në pronësi edhe Irani, transmeton telegraf

Besohet se kjo është hera e parë që një Triton rrëzohet, ndërsa ky veprim vetëm sa ka tensionuar edhe më shumë situatën mes Teheranit dhe Washingtonit.