Shkarkohet Betim Reçica, Izedin Bytyqi emërohet sekretar i ri në ministri
Betim Reçica është shkarkuar nga posti i sekretarit në Ministrinë e Infrastrukturës dhe Ambientit.
Me propozim të ministrit Lumir Abdixhiku, Izedin Bytyqi është emëruar sekretar i ri i ministrisë.
Propozimi është votuar unanimisht në mbledhjen e Qeverisë.
Indeksonline kishte raportuar vazhdimisht për shkeljet që kishte bërë ish-sekretari Reçica në Ministrinë e Infrastrukturës.
Së fundi, Indeksonline kishte publikuar edhe dëshminë se Reçica kishte falsifikuar përvojën menaxheriale të punës në përpjekje për të përmbushur kriteret në ish pozitën e tij./Indeksonline/