Shpenzimet për kujdesin shëndetësor: Zvicra e para, Shqipëria e fundit

Evrostati në një botim të fundit ka treguar se sa shpenzojnë shtetet në Evropë nga PBB-ja e tyre për shëndetësisë.

Sipas të dhënave, Shqipëria renditet e fundit në Evropë sa u takon shpenzimeve për shëndetësinë.

Në vitin 2018, Shqipëria akordoi 2.9% të PBB-së si fonde për shëndetësinë. Të dhënat tregojnë se Shqipëria shpenzon një të katërtën e mesatares evropiane për këtë sektor, transmeton Monitor.

Sipas të dhënave të Evrostatit, vendet e BE-së vitin e kaluar grumbulluan mesatarisht 41.1% të ardhura të PBB-së, ndërsa Shqipëria grumbulloi të ardhura vetëm 27.4% të PBB-së së saj.

Për më tepër, Shqipëria i përkeqësoi rezultatet më 2019, pasi të ardhurat në raport me PBB shënuan rënie me 0.2 pikë përqindje, përcjell albinfo.ch.

Mesatarisht në BE, shpenzimet e kujdesit shëndetësor arritën në 9.9% të PBB-së në 2018. Midis Shteteve Anëtare të BE, pjesët më të mëdha u regjistruan në Gjermani (11.5% të PBB) dhe Francë (11.3%), ndjekur nga Suedia (10.9%). Ndërkohë, Zvicra që është shtet jo anëtar në BE, kishte mesataren më të lartë me 11.9 %, duke kaluar Gjermaninë.

Në të kundërt, pjesa më e ulët e shpenzimeve të kujdesit shëndetësor u regjistruan në Luksemburg (5.3% të PBB), Rumani (5.6%) dhe Shqipëri me 2.9%.

Lidhur me madhësinë e popullsisë, shpenzimet e kujdesit shëndetësor ishin më të larta në mesin e Shteteve Anëtare të BE-së në Danimarkë (5 260 € për banor), Luksemburgu (5 220 €) dhe Suedi (5 040 €) më 2018, ndërsa ishte më e ulta në Rumani (580 €) dhe Bullgaria (590 €).