Shpërthen një bombolë gazi në Prishtinë, lëndohet një grua – demolohet shtëpia
Një bombolë gazi ka shpërthyer në një shtëpi rreth orës 14:45 në rrugën“Shaip Kamberi” në Prishtinë.
Nga shpërthimi i bombolës e cila ka qenë e shfrytëzuar për nevoja familjare, ka marrë lëndime serioze një grua.
Rastin e ka konfirmuar për IndeksOnline, zëdhënësi i PK-së, Agron Borovci.
Ai bëri të ditur se janë shkaktuar edhe dëme të mëdha në dhomën ku ka shpërthyer bombola.
“Rreth orës 14:45, është marrë informata për një shpërthim në rrugën “Shaip Kamberi” në Prishtinë.
Policia ka dalë në vendin e ngjarjes dhe në bazë të informacioneve të para dyshohet që shpërthimi ka ardhur nga një bombole gazi e shfrytëzuar për nevoja familjare.
Për pasojë një person ka pësuar lëndime dhe e njëjta është dërguar në QKUK për trajtimin e nevojshëm mjekësor.
Po ashtu janë shkaktuar edhe dëme materiale në dhomën e shtëpisë ku ishte e vendosur bombola”, tha ai./IndeksOnline/