Shqipëri: Ministria e Shëndetësisë rekomandon mësimin online në shkolla

Teksa pandemia COVID-19 vijon të përhapet me shpejtësi, Ministria e Shëndetësisë e Shqipërisë kërkon që të marrë masa të tjerë për të frenuar infektimet.

Së fundmi përveç universiteteve është kërkuar që edhe në shkollat fillore dhe të mesme të nis mësimi online.

Lajmi është bërë i ditur nga ministrja e Shëndetësisë, Ogerta Manastirliu, me anë të një mesazhi për mediat, ku thekson se pas rekomandimeve të Komitetit Teknik të Ekspertëve i është rekomanduar më pas Ministrisë së Arsimit që mësimi në shkolla të bëhet i alternuar.

Pra mësimi do të zhvillohet, në formën klasike por edhe online. Sipas Manastirliut, kjo praktikë do të nisë nga data 1 dhjetor.

“Ashtu si e kemi përsëritur shëndeti juaj dhe i fëmijëve është i pari. Deri tani fëmijët nuk vlerësohen të jenë transmetues të lartë i infeksionit. Protokollet në shkolla janë zbatuar, por për të minimizuar risqet ku të pranishme janë edhe infeksionet e tjera respirator, pas rekomandimit të Komiteti të Ekspertëve kemi vendosur që ti rekomandojmë ministrisë së Arsimit që prej datë 1 dhjetor të aplikojmë skenarët me mësim të alternuar, klasike, fizike dhe të kombinuar me mësim online. Bazuar në specifikat e situatës lokale të epidemisë” tha Manastirliu.

Tashmë pritet që Ministria e Arsimit të miratojë dhe të vërë në zbatim rekomandimet e Komitetit Teknik i Ekspertëve dhe Ministria e Shëndetësisë./tch/