13:57 / E Martë, 30 Prill 2019 / indeksADMonline

Shqipëria gati e fundit në indeksin e shëndetit

Shqipëria është renditur në vendin e 82 nga 84 qytetet që janë marrë në shqyrtim në Evropë për sa i përket Indeksit të Shëndetit.

Për vitin 2019, Tirana ka shënuar 46.5 pikë nga 100 në indeksin e shëndetit të publikuar nga portali më i madh i të dhënave për cilësinë dhe kostot e jetesës.

Tirana pozicionohet më keq se kryeqytetet e tjera të rajonit. Pas Tiranës në vendin 76 renditet Sarajeva, e cila ka shënuar 51.6 pikë, e ndjekur nga Beogradi në vendin e 69 me 54 pikë, ndërsa Shkupi renditet në vendin e 61 me 58.9 pikë nga 100, përcjell albinfo.ch.

Më dobët në indeks renditen qytete të Rumanisë, Ukrainës dhe Serbisë. Në Evropë, në vendin e parë për sa i përket cilësisë në shëndet renditet Utrecht, në Holandë. Qyteti i Utrcht ka shënuar rreth 91 pikë nga 100 që janë në total. Për të gjeneruar indeksin, Numbeo mbledh të dhëna deri në 36 muaj. Indeksi i shëndetit është një përllogaritje e cilësisë e sistemit të përkujdesjes shëndetësore, e profesionistëve të punësuar në shëndetësi, pajisjeve, stafit, doktorit dhe kostove.