Shqiptari i parë në Formula 3, Lirimi shumë shpejt mund të garoj përkrah yjeve të F1
Së shpejti mund të bëhet shqiptari i parë që garon në Formula 1. Piloti, Lirim Zendeli do të garoj këtë sezon në Formula 3 me kompaninë e Sauber Motosport.
Ai është 20 vjeçar dhe është lindur në Gjermani, mirëpo e flet shumë mirë gjuhën Shqipe dhe ndjehet shumë krenar me prejardhjen e prindërve të tij.
Zendeli me këtë sport ka filluar të merret që nga viti 2010 derisa më parë ka lënë mbrapa edhe djalin e legjendës Michael Schumacher, Mick.
Në një prononcim për Indeksonline, Lirimi e ka cilësuar si hap të madh që këtë vit do të garoj në Formula 3 derisa shpreson që të jetë në pesshën më të mirë në fund të sezonit.
“Është një hap shumë i madh dhe jam shumë i nderuar ne sponsorin, skuadrën dhe Babin tim që e kanë mundësuar këtë sukses”, ka thënë Zendeli.
“Shpresoj që në fund të vitit mund të renditem në Top 5”
“Ndihem shumë krenar qe jam i pari shqiptar në këtë nivel dhe luftoj deri ne fund për me arritur qëllimin, si shqiptari i parë në Formula 1”.
“Piloti im i preferuar është Lewis Hamilton. Shpresoj që në 2-4 vitet e ardhshme me të arrij të garoj në Formula 1”, ka thënë Lirim Zeneli për Indeksonline.
Formula 3 është kompeticioni i tretë më i rëndësishëm pas Formula 1 dhe GP2. /IndeksOnline/