Shteti i njohur evropian nxjerr ushtrinë në rrugë, për të ndihmuar policinë
Që nga sot, ushtarët hungarezë do të ndihmojnë policinë në kryerjen e detyrave të tyre në vende publike. Këtë vendim e ka marrë Ministria e Mbrojtjes së Hungarisë me qëllim të ruajtjes së rendit, paqes e sigurisë publike.
Sekretari i Shtetit, Silard Nemeth tha në konferencën për shtyp se ushtarët do të ndihmojnë në kontrollin e respektimit të rregullave që janë në fuqi gjatë gjendjes së jashtëzakonshme, përfshirë shtetrrethimin.
Nemeth tha se ushtria do të vërë në dispozicion të gjitha kapacitetet dhe mjetet e saj për të ndihmuar popullin hungarez dhe për të ruajtur sigurinë dhe paqen në vend./Indeksonline/