Shtyhet vazhdimi i seancës plenare, deputetët nuk futen në sallë
Kuvendi i Kosovës assesi nuk po mund të vazhdoj me rregull seancat plenare.
Meqë dje seanca e jashtëzakonshme zgjati 10 orë, ajo u shty për të vazhduar sot në ora 10, raporton Indeksonline.
Por, përveç që nuk nisi në kohën e paralajmëruar, por me gjysmë ore vonesë, menjëherë shkoi në pauzë.
Nënkryetari i Kuvendit, Xhavit Haliti kërkoi 20 minuta pauzë në mënyrë që grupet parlamentare të harmonizojnë qëndrimet për rezolutën e paraqitur nga LDK-ja lidhur me dialogun me Serbinë.
Tani janë bërë një orë nga shkuarja në pauzë dhe seanca ende nuk ka vazhduar punimet. /Indeksonline/