Si ta shmangni frikën nga fluturimet me aeroplan

Në ditët e sotme, fluturimi është edhe mënyra më e shpejtë dhe më e lehtë e transportit midis vendeve. Por shumë prej nesh kanë një frikë të tmerrshme për të hipur në aeroplan, pra për të fluturuar

Pse është kjo dhe si ta trajtojmë këtë ankth?

Për shumicën prej nesh, udhëtimi ajror është bërë një domosdoshmëri, ne jetojmë mes vendeve për të studiuar, punuar, shkuar me pushime dhe për të takuar njerëz të rinj.

Administrata Federale e Aviacionit raporton se njësia e tyre e Organizatës së Trafikut Ajror administron më shumë se 42,000 fluturime dhe 2.5 milionë pasagjerë çdo ditë. Dhe, ndërkohë që të gjithë këto pasagjerë lëvizin në gjithë botën, nga ana tjetër qëndrojnë disa të tjerë, të cilët kanë frikë vetëm të hipin në një aeroplan. Por ankthi nuk duhet të qëndrojë kurrë në mënyrën se si ne meritojmë ta jetojmë jetën tonë, shkruan Scan.

Më poshtë do të përmendim disa mënyra se si ta përballojmë këtë ankth, por eksperimentoni pak dhe gjeni se cila është mënyra që funksionon më mirë për ju.

Kërkoni të kuptoni se çfarë është kjo frikë

Frika nga fluturimi, ose aviofobia, karakterizohet nga një shmangie shpesh ekstreme e aeroplanëve, ose çdo gjë që lidhet me fluturimin, përfshirë aeroportet, thotë psikologu Patricia Furness-Smith në Flying with Confidence. Ankthi i fluturimit mund të shkaktohet nga sërë gjërash, nga zhurmat dhe ndjesitë që lidhen me ngritjen dhe uljen, deri tek ndjenja e çuditshme që shpesh vjen me një turbullirë të papritur.

Mësoni në lidhje me frikën tuaj dhe fluturimin tuaj

Mund të rezervoni një kurs i cili adreson frikën e fluturimit ose dhe mund të gjeni në internet burime falas për të edukuar veten rreth fluturimit. Në vend që të zhyteni në fantazira joreale, mësoni se çfarë vërtet jua shkakton këtë frikë dhe mundohuni të edukoheni rreth saj. Shpesh, frika nga fluturimi ka shkaqe themelore, të tilla si frika nga hapësirat e mbyllura (klaustrofobia), frika nga turmat (agoraphobia), frika nga lartësitë (akrofobia), ose ankthi për të mos qenë nën kontroll.

Përqendrohuni në kontrollin e asaj që mund ta kontrolloni

Mundohuni të kontrolloni gjërat që janë nën kontrollin tuaj duke eliminuar çdo burim të lidhur me stresin sa më shumë që të jetë e mundur. Përgatituni paraprakisht për çdo gjë sa më plotësisht të jetë e mundur. Sigurohuni që keni shumë kohë për të arritur në aeroport në mënyrë që të mos stresoheni në momentin e fundit. Vishni rroba të rehatshme, merrni produkte apo ilaçe që ju nevojiten dhe sigurohuni që të qëndroni të hidratuar ndërsa jeni në aeroplan. Patricia Furness-Smith tha se rënia e lehtë e furnizimit me oksigjen natyrisht mund të rrisë një ndjenjë ankthi por nuk duhet të lejoni që ai t’ju marrë për sipër dhe t’ju drejtojë në një sulm paniku.

Përqafoni frikën tuaj

Në fakt mund të duket e kundërta e asaj që duhet të bësh por në momentin që frika fillon dhe rritet dhe ti nuk e shmang dot atëherë fillon dhe pranon atë. Jonathan Bricker, Ph.D., një psikolog nga Universiteti i Uashingtonit në Seattle, shpjegon se ankthi ka tendencë të përkeqësohet sa më shumë që përpiqesh ta heqësh.

“Sa më shumë që nuk dëshironi të ndjeheni të shqetësuar,” tha ai, “aq më shumë ajo ndjenjë do të kthehet.” Ai sugjeron një ushtrim vizualizimi ku “të paketoni mendërisht ankthin në një çantë të imagjinuar dhe ta merrni atë me vete pa ju penguar kudo që doni të shkoni”.

Një studim i kohëve të fundit gjithashtu raporton se individët që pranojnë emocionet e tyre negative kanë më pak të ngjarë të zhvillojnë çrregullime të humorit siç janë ankthi dhe depresioni.

Vetëm merr frymë

Kur ndiheni sikur keni pranuar ankthin, duhet menjëherë të ndërmerrni hapa për të parandaluar përshkallëzimin e tij. Kur frika fillon, mësoni disa ushtrime të frymëmarrjes, që mund të relaksojë trupin tuaj dhe mund të ndihmojë për të qetësuar mendjen tuaj.

Një teknikë tjetër që mund t’ju ndihmojë është frymëmarrja në kuti, ku ju merrni dhe mbani frymë të thella për të lejuar që pulsi juaj të ngadalësohet dhe të lehtësojë ndjenjën tuaj të frikës. Kjo teknikë kërkon që ju të thithni ngadalë përmes hundës ajër dhe ta mbani atë frymë për 4 sekonda dhe pastaj ta nxirrni jashtë po ngadalë.

Diçka tjetër që mund t’ju ndihmojë me frikën tuaj për të fluturuar, thjesht rifiton një ndjenjë eksitimi dhe qëllimi

Studimi nga Shkolla e Biznesit Harvard në Boston, MA, shpjegon se ka më pak shkallë ndarjeje midis ankthit dhe eksitimit sesa midis ankthit dhe qetësisë, kështu që është shumë më e lehtë të mashtroni mendjen tuaj në të menduarit se zemra juaj garuese është shkaktuar nga entuziazmi juaj kur mendoni të arrini në destinacionin ku jeni nisur. “Duke u përqëndruar në qëllimin më të lartë të udhëtimit tuaj të largon frikën”, tha Bricker. Nëse mund të lidhësh rezultatin e lumtur dhe të kuptosh që vetëm disa orë shqetësim të ndahen nga ajo, kjo mund të ndihmojë për të minimizuar proporcionet e frikshme që fluturimi ka marrë në mendjen tuaj.

Vazhdoni!

Më e rëndësishmja nga të gjitha, pasi të keni marrë hapat për të përballuar frikën tuaj, të prenotoni atë fluturim dhe të hipni në të, nuk duhet të ndaleni në atë arritje të parë. Ju duhet të përsërisni dhe përsërisni, dhe me çdo fluturim të ri duhet të normalizoni ngjarjen dhe të parandaloni që ankthi të kontrollojë zgjedhjet tuaja të jetës.

Shoqata e ankthit dhe depresionit të Amerikës thonë se desensitizimi është një hap thelbësor për të kapërcyer çdo frikë të vazhdueshme, kështu që ata theksojnë që ju duhet të vlerësoni çdo fluturim, pasi kjo ju lejon të bëni fluturimin pa pasur ndjenjën e ankthit.

Pra, edhe nëse ende ndjeheni të tronditur nga përvoja juaj më e fundit në aeroplan, përpiquni të mos lejoni që t’ju pengojë të planifikoni fluturimin tuaj të rradhës.