Sky: Ndërprehen bisedimet mes Realit dhe Lewandowskit

Sipas njoftimeve të Sky Sports Germany, klubi madrilen ka ndërprerë negociatat me polakun dhe agjentin e tij, Pini Zahavi, izraelit 74-vjeçar, i cili gjithashtu luan një rol kyç në përpjekjen për të nënshkruar me Neymar.

Arsyeja, siç shpjegohet nga rrjeti televiziv gjerman, është se Real Madridi beson se çmimi për të cilin Bayern mund të fillojë të flasë për ‘9’ është i tepruar (rreth 100 milionë euro).

Ky informacion mbështet deklaratat e bëra nga Karl-Heinz Rummenigge, menaxher i përgjithshëm i Bayernit, duke këmbëngulur se sulmuesi do të vazhdojë në Bayern sezonin e ardhshëm: “Ne jemi shumë me fat që kemi Lewandowski dhe më shumë se ai ka nënshkruar një kontratë të gjatë me ne. Nuk kemi asgjë për t’u shqetësuar, ai do të luajë edhe në Bayern Munich sezonin e ardhshëm ”

Edhe një herë, Real Madrid sërish përballet me qëndrimin e fortë të Bayernit në lidhje me Leëandoësk, me të cilin ka nënshkruar një kontratë deri në vitin 2021. “Askush nuk mund të nënshkruajë një lojtar të Bayern kundër vullnetit të Bayernit”, thotë Rummenigge.

Vlen të theksohet se në vitin 2009, kur Real Madrid dëshironte të nënshkruante me Ribery, udhëheqësit gjermanë ishin mjaft rigoroz: “Ne do të denoncojmë Madridin në FIFA nëse insiston, sepse kemi një kontratë” , tha Hoeness. /IndeksOnline/