Studimi shqetësues për pandeminë Covid-19, imuniteti ndryshon me shpejtësi të madhe

“Daily Mail”, shkruan se sipas një studimi të realizuar së fundmi u zbulua se imuniteti zhduket shpejt nga pacientët e sëmurë rëndë me koronavirusin, të cilët vetëm një muaj pasi janë larguar nga spitali kanë filluar të ndjejnë lodhje.

Hulumtuesit kanë analizuar antitrupat – substancën në gjak që zhvillon imunitetin kundër virusit – ku është konstatuar se ata po humbin imunitetin me shpejtësi të madhe ende pa kaluar shumë ditë që kur janë shëruar.

Afro 81 për qind e pacientëve kishin antitrupa, por një studim në Kinë ka zbuluar se vetëm “një përqindje e vogël” e tyre kanë pasur aftësinë të neutralizonin apo zhduknin virusin.

Ajo çfarë mbetet mister është nëse njerëzit do të vazhdojnë të jenë imun ndaj Covid-19, edhe pasi të shërohen. Megjithatë ekzistojnë disa shenja se trupi në njëfarë mënyre ka mësuar të mbrohet, por gjithashtu është rritur edhe numri i atyre që po infektohen për herë të dytë me koronavirus.

Nëse trupi nuk arrin të ruajë antitrupat për një afat më të gjatë kjo do të thotë se vaksina nuk do të mund të ofrojë mbrojtje të përhershme, siç po shpresojnë shkencëtarët në mbarë botën.