Sulme në dy xhami të Zelandës së Re, 40 të vdekur
Kryeministrja e Zelandës së Re, Jacinda Ardern ka thënë se 40 persona kanë vdekur si pasojë e disa të shtënave në dy xhami në qytetin, Kristçërç.
Ajo e ka përshkruar këtë ngjarje si sulm terrorist dhe një nga “ditët më të rënda” për këtë vend.
Tre burra dhe një grua aktualisht janë në mbajtje ka thënë komisionari policer, Mike Bush, mirëpo ka paralajmëruar se të dyshuarit e tjerë mund të jenë në arrati.
Kryeministri i Australisë, Scott Morrison, ka thënë se një nga të arrestuarit është qytetar australian.
Ai e ka përshkruar të dyshuarin e sulmit si “terrorist të dhunshëm të ekstremit të djathtë”.
.@ScottMorrisonMP: As family members with our New Zealand cousins today, we grieve, we are shocked, we are appalled, we are outraged.
— Sky News Australia (@SkyNewsAust) March 15, 2019
We stand here and condemn absolutely the attack that occurred today by an extremist, right-wing, violent terrorist.
MORE https://t.co/wSY5BHt4aA pic.twitter.com/lY7Eiak8ti
Dëshmitarët u kanë thënë mediave lokale se kanë vrapuar kur kanë parë njerëz që janë përgjakur jashtë xhamisë, Al Noor.
Një xhami e dytë në lagjen Lajnvud, është evakuuar derisa komisionari Bush ka thënë se dhjetëra viktima janë raportuar në të dyja vendet.
Autoritetet kanë këshilluar për mbylljen e të gjitha xhamive deri në njoftimin e radhës, duke thënë se ngjarja e së premtes ka qenë e pashembullt.