Sulmuesit më “gjakftohtë” në Evropë
Shumica e skuadrave të Evropës po hyjnë në fazën finale të kampionateve.
Disa skuadra tashmë kanë arritur objektivat derisa disa të tjera janë duke kërkuar që t’i arrijnë ato në javët e fundit.
Gara për Këpucën e Artë do të jetë e gjerë, por kush është sulmuesi që ka realizuar më së shumti raste të krijuara.
Formula e ndjekur është “gola të shënuar – raste të humbura”.
Messi kryeson tabelën me një mesatare prej 9.37 dhe pasohet nga Paco Alcácer i Borussia Dortmund, i cili aktualisht është 7.07.
Në vendin e tretë është Krzysztof Piątek i Milanit me një mesatare prej 5.24, ndërsa ish ylli i Nantes Emiliano Sala (i ndjerë) është i katërti me 5.2 dhe Son Heung-min i Tottenham Hotspur është në 4.97.
Por kush është sulmuesi që ka humbur më së shumti raste?
Robert Lewandowski i Bayern Munichut, i cili është golashënuesi më i mirë në Bundesliga këtë sezon, ka normën më të keq të realizmit në -9.31.
Gerard Moreno i Villarrealit është i dyti me -6.16, Gabriel Jesus i Manchester Cityt i treti me -4.92 dhe Edin Džeko i Romës është i katërti me -4.89.
Memphis Depay i Lyon përfundon listën e të parëve më të këqij, duke siguruar vendin e pestë me -4.06. /IndeksOnline/