Superliga e Basketbollit vjen me dy super përballje
Sot zhvillohen dy përballje interesante në Superligën e Basketbollit kosovar.
Ndeshjet janë të vlefshme për javën e shtatë të PrinceCaffe Superligës, shkruan IndeksOnline.
Trepça do të jetë nikoqire e Golden Eagle Yllit, ndeshje kjo e cila zhvillohet në palestrën sportive “Minatori”, në Mitrovicë, me fillim nga ora 17:00.
Mitrovicasit kanë pesë fitore dhe vetëm një humbje, ndërsa ish-kampionët e Kosovës kanë dy fitore e katër humbje.
Derbii i javës zhvillohet në palestrën “Karagaç” në Pejë, ku dy rivalët e vjetër, Peja dhe Bashkimi do të përballen mes vete.
Verdhëzinjët nuk dinë për humbje këtë sezon, ku kanë gjashtë fitore e asnjë humbje, ndërsa prizrenasit kanë tri fitore e tri humbje.
Kjo ndeshje zhvillohet nga ora 19:00./IndeksOnline