Tahiri me lotë në sy i kërkon ndjesë më së shumti të birit

Ish-ministri i Brendshëm i Shqipërisë, Saimir Tahiri nuk i ka mbajtur dot emocionet në fillim të emisionit Opinion në TvKlan.

Me zë të dredhur dhe lotë në sy Tahiri i ka kërkuar ndjesë të gjithë atyre që i ka krijuar shqetësime duke veçuar birin e tij, Drinin, pikën e dobët.

“Nuk është një moment i zakonshëm për mua e as për familjen time siç nuk është një moment i zakonshëm për të gjithë njerëzit që më kanë njohur, ata që më kanë besuar, ata që më kanë zgjedhur dhe një ndjesë time për shqetësimin kolegëve socialiste, kryeministrit patjetër të cilëve ju kam krijuar një shqetësim të pamerituar por më së pari për tim biri, jam gjendur përballë sulmeve të vazhdueshme për zgjedhjen time”, tha Tahiri.