Takimi në Zyrën e BE-së, Meliza Haradinaj kritikon Lajçakun dhe opozitën

Ish-ministrja e Punëve të Jashtme e Kosovës, Meliza Haradinaj-Stublla e ka korrigjuar emisarin e Bashkimit Europian për dialogun Kosovë – Serbi, Miroslav Lajçak, në postimin ku ai njoftoi për takimin me liderët e opozitës në Kosovë.

Lajçak tha se dialogu dhe normalizimi i marrëdhënieve me Serbinë është “në interesin kombëtar të Kosovë”. Por Haradinaj-Stublla i reagoi duke thënë se ajo për çfarë shkroi Lajçak “i kapërcen kufijtë e Kosovës”.

“Nuk ka asnjë interes kombëtar të Kosovës. Sigurisht që ka një interes shtetëror të Kosovës. ‘National’ i kapërcen kufijtë e Kosovës së sotme”, ka shkruar ish-kryediplomatja.

There is no national interest of Kosovo. There certainly is a state interest of Kosovo. ‘National’ transcends the borders of present-day Kosovo. https://t.co/v7rbQydtV3

— Meliza Haradinaj (@MelizaHaradinaj) August 24, 2022