“Tallava” futboll në Suharekë, Ballkani e “rexh” Llapin
Ballkani ka marrë tri pikë të arta dhe shumë të lehta ndaj Llapit në Suharekë.
Skuadra e drejtuar nga Munishi ka mposhtur atë të Batatinës me rezultat 5-1 në një ndeshje ku llapjanët ishin me formacionin e dytë.
Fillimi i pjesës së parë ishte i zjarrtë ku edhe u shënuan pesë gola, shkruan Indeksonline.
Topalli kaloi Ballkanin në epërsi që në minutën e katërt të ndeshjes.
Rezultatin e barazoi Mërgim Pefqeli i cili fillimisht humbi penalltinë e më pas me topin e kthyer shënoi në portën e vendasve.
Në skenë më pas doli Blend Baftiu i cili shënoi dy gola, të dytin shumë të bukur.
Baftiu fillimisht realizoi në minutën e 16-të e më pas edhe dy minuta më vonë me një goditje nga distanca.
Golin e katërt në ndeshje e shënoi Ermal Krasniqi në minutën e 38-të të sfidës.
Në pjesën e dytë u shënua vetëm një gol
Artur Magani shënoi me kokë pas një krosimi nga këndi në minutën e 88-të të ndeshjes.
Me këtë fitore, Ballkani ngjitet në pozitën e dytë me 59 pikë, dy më pak se Drita që po kryeson edhe me një lojë më pak.
Llapi në anën tjetër është në pozitën e gjashtë me 39 pikë, vetëm pesë pikë larg zonës së kuqe. /IndeksOnline/