10:31 / E Premte, 07 Gusht 2020

Të hyrat në ATK shënuan rënie për 23.5 milionë €

Drejtori i Përgjithshëm i Administratës Tatimore të Kosovës (ATK) Ilir Murtezaj ka prezantuar aktivitetet e zhvilluara, si dhe rezultatet e arritura të këtij institucioni.

Në këtë konferencë i pari i ATK-së ka prezantuar edhe implementimin obligimeve të ATK-së, të cilat ndërlidhen më implementimin e masave të Qeverisë ndaj pandemisë, për periudhën janar-qershor.

Sipas tij, gjatë kësaj periudhe synim ka qenë ofrimi i lehtësirave për tatimpaguesit.

Ai ka bërë të ditur që nga janari kanë inkasuar 215.9 milionë euro, përderisa nëse krahasohet me planifikimet dhe krahasuar me vitin tjetër të hyrat kanë qenë për 23.5 milionë euro më pak.