09:23 / E Hënë, 06 Shkurt 2023 / B O

Tërmeti i fuqishëm në Turqi ndan edhe pistën e aeroportit

Një tërmet shkatërrues goditi Turqinë mëngjesin e sotëm, rreth orës 04:17. Raportohet për mbi 300 viktima dhe mbi 2000 të plagosur, ndërsa numri i të vdekurve fatkeqësisht pritet të rritet.

Pas tërmetit të fuqishëm janë ndjerë të paktën 18 pasgoditje të tjera me magnitudë mbi 4 të shkallës Rihter.

Pista e aeroportit në Hatay është ndarë në mes si pasojë e lëkundjeve të fuqishme të tokës.

USGS tha se regjistroi shtatë tërmete me magnitudë mbi 5.

Pasgoditja më e fortë deri më tani u regjistrua vetëm 11 minuta pas tërmetit të parë dhe kishte një magnitudë 6.7, tha USGS.

Ekspertët thonë se pasgoditjet e forta ka të ngjarë të vazhdojnë në orët dhe madje edhe ditët në vijim pas një tërmeti aq të fortë sa ai që përjetoi Turqia të hënën në mëngjes.

Mos i humb

Të fundit nga Kuriozitete