Tesla e Elon Musk tashmë vlen 800 miliardë dollarë
Vlera e kompanisë “Tesla” e drejtuar nga Elon Musk është rritur sërish.
Sipas të dhënave të fundit aksionet e kësaj kompanie u rritën me 4.9% në tregjet ndërkombëtare.
Tashmë “Tesla”, që prodhon makina elektrike vlen më shumë se 800 miliardë dollarë, vlera më e madhe që ka pasur ndonjë herë, shkruan Reutersi.
Pak kohë më parë vlera e saj e tregut arriti në 774 miliardë dollarë, duke e bërë kompaninë e pestë më me vlerë në botë.
Ndërkohë një ditë më parë, drejtuesi i “Tesla”-s, Elon Musk u shpall zyrtarisht njeriu më i pasur në botë, duke lënë pas themeluesin e “Amazon”-it, Jeff Bezos.
Në vend të tretë në listën e personave më të pasur në botë është Bill Gates me 132 miliardë dollarë.