Thaçi takohet me ambasadorin Grenell në Munih, tregon se çka biseduan
Presidenti i Kosovës, Hashim Thaçi sonte në Munih të Gjermanisë është takaur me ambasadorin dhe të Dërguarin e Posaçëm të Presidentit Trump, Richard Grenell.
Thaçi përmes një postimi në Facebook ka treguar se në këtë takim është folur për marrëveshjet e deritashme dhe hapat e ardhshëm drejt marrëveshjes finale për njohje dhe antarësim të Kosovës në OKB, transmeton Indeksonline.
Për më shumë lexojeni postimin e plotë të presidentit, Hashim Thaçi:
Dialogu ndërmjet Kosovës dhe Serbisë ka marrë dinamikë të re falë angazhimit të Shteteve të Bashkuara të Amerikës dhe emërimit të ambasadorit Richard Grenell, si i Dërguar i Posaçëm i Presidentit Trump për këtë proces.
Në takimin e sotëm në Munih, me ambasadorin Grenell diskutuam për marrëveshjet e deritashme dhe për hapat e ardhshëm drejt marrëveshjes finale për njohje dhe anëtarësim të Kosovës në OKB.
Kosova është me fat që e ka këtë vëmendje të SHBA-së, prandaj është jetike t’i ndërmarrim të gjithë hapat e nevojshëm për arritjen e marrëveshjes finale dhe përmbylljen e dialogut. HTH