Tragjedi në Vushtrri: Një pesë vjeçar vdes nga arma e zjarrit

Një rast tragjik ka ndodhur sot në Vushtrri, ku një pesë vjeçar ka vdekur nga arma e zjarrit në oborrin e shtëpisë së tij.

Rastin e ka konfirmuar edhe zëdhënësi i policisë për rajonin e Mitrovicës, Avni Zahiti.

Ai bëri të ditur se në vendin e ngjarjes është sekuestruar një gëzhojë dhe një pistoletë.

Ndërkaq, trupi i pajetë i pesë vjeçarit është dërguar në Institutin e Mjekësisë Ligjore për obduksion.

“Rreth orës 17:20, është raportuar se në Spitalin e Vushtrrisë, një fëmijë i moshës 5 vjeçar, është sjellë për ndihmë mjekësore, ndërkohë nga autoritetet mjekësore është bërë e ditur se si pasojë e lëndimeve që dyshohen të jenë nga arma e zjarrit fëmija ka vdekur. Nga hetimet fillestare bëhet e ditur se ngjarja ka ndodhur në oborrin e shtëpisë së fëmijës”.

“Në vendin e ngjarjes është gjetur dhe sekuestruar një gëzhojë dhe një armë e llojit pistoletë. Me urdhër të prokurorit trupi i pajetë i viktimës është dërguar për obduksionin në IML”, tha Zahiti për Indeksonline.