Trajneri i Barcelonës thotë se nuk e njeh Prishtinën
Prishtina do të zhvillojë ndeshje historike kundër Barcelonës në kuadër të Ligës së Kampionëve në futsall.
Katalunasit janë kampion aktual dhe favorit për të kaluar në 1/8-tën e finales.
Të enjtën, Barça ka zhvilluar stërvitjen e fundit para ndeshjes. Trajneri Andreu Plaza theksoi se nuk ka shumë informacione për Prishtinën.
“Prishtina është një rival gjysmë i panjohur. Ligën e Kosovës nuk mund ta ndjekësh rregullisht sepse nuk ka mbulim televiziv. Ne do të takojmë një ekip dhe disa lojtarë që nuk i njohim, por ne mendojmë për veten dhe e dimë çfarë duam. Rivali nuk ka shumë rëndësi për ne, pasi kushdo që është ne e bëjmë punën tonë” deklaroi Plaza.
Takimi Barcelona – Prishtina zhvillohet të premten nga ora 18:30 dhe transmetohet në Klan Kosova.
/Indeksonline/