Trajneri i Werderit impresionohet nga përkushtimi i Rashicës
Trajneri i Werder Bremenit, Florian Kohfeldt, është shprehur i kënaqur me paraqitjet e Milot Rashicës pas rikthimit nga lëndimi.
Mesfushori kosovar ka zhvilluar dy ndeshje, duke hyrë në lojë në pjesën e dytë.
Kohfeldti thotë se Rashica është kandidat për të filluar ndeshjen nga minuta e parë kundër Schalkes.
“Ai është treguar shumë agjil dhe energjik. Ka impresionuar në dy takimet e fundit dhe në stërvitje. Miloti është kandidat për të startuar kundër Schalkes”, deklaroi Kohfeldti.
Werderi shpreson që deri në fund të afatit kalimtar të janarit ta shesë 24- vjeçarin, meqenëse ndodhet në krizë të madhe financiare.
/Indeksonline/