Transferimi i Ronaldos, prokuroria kërkon “dokumentin sekret”

Hetuesit po kërkojnë një ‘dokument sekret’ në lidhje me Cristiano Ronaldon dhe rregullime të veçanta të pagave në Juventus.

Juventusi po akuzohet për kontabilitet të rremë në rastin e fitimeve kapitale dhe Guardia di Finanza mbërriti në Continassa të premten e javës së kaluar për të mbledhur informacione.

Il Corriere dello Sport raporton se ishte e nevojshme të siguroheshin dokumentacione kontabël, jokontabël, bankar dhe korrespondencë, referuar çdo operacioni të kryer nga korriku i vitit 2018 e në vazhdim.

Prokuroria Publike e Torinos raportohet se ka evidentuar dy situata të cilat nuk duket se janë publikuar dhe komunikuar tek organet kompetente.

I pari i theksuar është ‘shkrimi që vërteton ekzistencën e një ‘detyrimi jo-federal’ nga ana e Atalantës në kuadër të operacionit të transferimit të dyfishtë të lojtarëve Merih Demiral dhe Cristiano Romero.

Dhe rasti tjetër ka të bëjë me një ‘marrëveshje private në lidhje me marrëdhëniet kontraktuale dhe borxhet e pagave te Cristiano Ronaldo’.

Të dy rastet janë përcaktuar si ‘dokumente që përbëjnë krim financiar ose në çdo rast gjëra të lidhura me krimin, gjithashtu me qëllim rindërtimin e saktë të profileve të përgjegjësisë së të dyshuarve individualë’.

Guardia di Finanza ka nisur të kërkojë dokumente në lidhje me Ronaldon pasi ka zbuluar ‘dokumentet sekrete’ nga një prej përgjimeve.

U referua për një ‘dokument të famshëm që teorikisht nuk duhej të ekzistonte’. Policia tani është në kërkim të marrëveshjeve individuale që çdo lojtar të skuadrës që ka bërë me Juventusin në mars të vitit 2020, gjatë bllokimit.

Lojtarët dhe anëtarët e stafit hoqën dorë nga pagat e tyre në mars, prill, maj dhe qershor, por në rast të rifillimit të aktivitetit do të diskutohej më pas integrimi i shpërblimit në vitin e ardhshëm, i cili duhet të ishte afërsisht dy dhe një gjysmë muajsh.

Ronaldo kishte një pagë me vlerë 31 milionë euro në sezon dhe kështu mbi 10 milionë euro u bllokuan gjatë karantinimit dhe do të rinumëroheshin pas përfundimit të bllokimit dhe rifillimit të ndeshjeve.