U përplas kokë me kokë me David Luizin, Raul Jimenez është operuar menjëherë pas ndeshjes

Sulmuesi i Wolves, Raul Jimenezi, i është nënshtruar një operimi në kokë pas ndeshjes me Arsenalin.

Ai pësoi një lëndim pas një dueli në ajër me mbrojtësin brazilian, David Luiz.

Wolvesi ka lëshuar një komunikatë ku ka thënë se gjendja e lojtarit është stabile pas ndërhyrjes së mjekëve.

“Rauli është rehat pas një operacioni natën e kaluar, të cilit iu nënshtrua në një spital në Londër. Që atëherë ai e ka parë partneren e tij Daniela dhe tani po pushon. Ai do të qëndrojë nën vëzhgim për disa ditë derisa të fillojë shërimin e tij. Klubi do të donte të falënderonte stafin mjekësor në Arsenal, ndihmës mjekësore NHS, stafin e spitalit dhe kirurgët të cilët, me aftësinë e tyre dhe përgjigjen e hershme, ishin të një ndihme të tillë. Klubi kërkon që Raul dhe familja e tij tani të kenë një hapësirë dhe privatësi, përpara se të ofrohen çdo azhurnim tjetër në kohën e duhur“, thuhet në njoftimin e klubit.

Kujtojmë se Wolvesi mposhti Arsenalin me rezultat 1-2 derisa Jimenezi u largua nga loja në minutën e 15-të. /IndeksOnline/