Uber Eats lejon porositë për kanabis në Ontario

Uber do të lejojë përdoruesit në Ontario të Kanadasë, të bëjnë porosi për kanabis në aplikacionin e tij Uber Eats, duke shënuar kështu hyrjen e gjigantit të udhëtimit në biznesin që po lulëzon, tha një zëdhënës i kompanisë të hënën.

“Uber Eats do të listojë shitësin e kanabisit Tokyo Smoke në tregun e tij të hënën, pas së cilës klientët mund të bëjnë porosi nga aplikacioni Uber Eats dhe më pas ta marrin atë në dyqanin e tyre më të afërt Tokyo Smoke”, tha për CNN zëdhënësi i Uber.

Uber, e cila tashmë shpërndan pije alkoolike përmes njësisë së saj Eats, ka kohë që synon tregun në rritje të kanabisit. 

Më shumë se tre vjet pas legalizimit të kanabisit rekreativ nga Kanadaja, vendi po përpiqet të rregullojë tregun e tij, ku prodhuesit e paligjshëm ende kontrollojnë një pjesë të madhe të shitjeve totale vjetore.

Partneriteti do të ndihmojë të rriturit kanadezë të blejnë kanabis të sigurt, të ligjshëm, duke ndihmuar në luftimin e tregut të paligjshëm, i cili përbën mbi 40% të të gjitha shitjeve të kanabisit jo-mjekësor në nivel kombëtar.

Shitjet e kanabisit në Kanada do të arrijnë në 4 miliardë dollarë në vitin 2021 dhe parashikohet të rriten në 6.7 miliardë dollarë në vitin 2026, sipas të dhënave nga firma kërkimore e industrisë BDS Analytics.