Ukraina i bën thirrje Turqisë që të pengojë përpjekjet e Rusisë për të krijuar rrugë alternative të grurit

Ministria e Jashtme e Ukrainës tha të enjten se çdo konsideratë e mbështetjes së eksporteve ruse të grurit në Detin e Zi pa rifillimin e eksporteve nga portet ukrainase do të forconte “ndjesinë e mosndëshkimit” të Moskës dhe “do t’i jepte një goditje të rëndë detyrimeve ndërkombëtare dhe ligjit ndërkombëtar”.

“Në këtë kontekst, ne presim që Turqia, e cila ka pohuar vazhdimisht pozicionin e saj të pacenueshëm në lidhje me ruajtjen dhe respektimin e rreptë të ligjit ndërkombëtar, së bashku me palët e tjera të përfshira, do të përdorin autoritetin e tyre për të penguar përpjekjet e Rusisë për të shkelur detyrimet ndërkombëtare dhe për të shantazhuar botën me kriza të reja ushqimore”, tha ministria në një deklaratë.

Deklarata vjen ndërsa ministri i jashtëm rus Sergej Lavrov dhe ai turk Hakan Fidan po zhvillojnë bisedime në Moskë për dërgesat e grurit.

Të enjten, Lavrov deklaroi se të dy kishin diskutuar iniciativën e Moskës për të organizuar dërgesat e grurit rus në Turqi me një çmim të reduktuar për t’u përpunuar në objektet turke dhe më pas për t’u dërguar në “vendet më në nevojë në botë”./abcnews.al