17:24 / E Shtunë, 17 Shkurt 2018 / indeksADMonline
Urim i veçantë për 10 vjetorin nga piloti i parë kosovar (Foto)
Pilot oficeri i parë i Kosovës së pavarur, Veton Breznica ka uruar kosovarët për 10 vjetorin e pavarësisë.
Breznica që njëkohësisht është pilot Kosovar i linjave ajrore, ka uruar përmes një postimi në Facebook, transmeton Indeksonline.
“Në pamundësi me festu 10 vjetorin në Prishtinë, e ngrita flamurin në anije në Doha! Urime #Kosovë! #Kosova10 #10vjetshtet”, ka shkruar ai.
Breznica është shkolluar në Zelandë të Re dhe Britani. Vetoni më 2014 diplomoi nga RAF Cranwell si Pilot Oficer dhe u kualifikua edhe si instruktor me aeroplanët pa motor në shkollën qendrore të fluturimit të kadetëve ajror në Mbretërinë e Bashkuar ku edhe u zgjodh anëtar nderi i skuadriljes 643 në Syerston. Breznica me 2016 pranoi medalje të artë nga Presidenti i Irlandës për arritje të jashtëzakonshme personale. /Indeksonline/
