Ushtarët izraelitë qëllojnë të riun palestinez me sytë e lidhur
Ushtarët izraelitë qëlluan një të ri palestinez me sy të lidhur ndërsa përpiqej të ikte, i cili ishte arrestuar në dyshim se ka marrë pjesë në trazira.
Të shtënat ndodhën pas një funerali në fshatin palestinez Tuqu, në jug të Bethlehemit në Bregun Perëndimor, të enjten e kaluar, sipas dëshmitarëve dhe një anëtari të komunës Tuqu.
Fotot dhe videot nga vendi i ngjarjes nga banorët e Tuquit, të cilët kishin filmuar shfaqjen e funeralit 15 vjeçari Osama al-Badan, shfaqin palestinezin me duart e tij të lidhura pas shpinës, duke u përpjekur të ikte nga të paktën katër ushtarë izraelitë që qëndrojnë pranë.
Al-Badan u qëllua një herë në dy këmbët me pistoletë, tha babai i tij, Aliu, për CNN, shkruan IndeksOnline.
“Ai u arrestua nga ushtarët duke mos bërë asgjë,” tha Ali al-Badan. “Ata e akuzuan atë për hedhjen e gurëve, unë jam i sigurtë se ai nuk ka hedhur, ai nuk ka asgjë për të fshehur dhe do të pranonte nëse ai hodhi një gur, por a është ky një justifikim për ta gjuajtur?”
Pas funeralit, përleshjet shpërthyen mes palestinezëve dhe forcave izraelite në rrugën që çoi në Tuqu.
Të shtënat pasuan “hedhjen e gurëve masiv” në forcat e IDF në zonë, si dhe në makinat që udhëtonin përgjatë rrugës, “që rrezikuan jetën e civilëve dhe forcave”, sipas IDF (Forcat Mbrojtëse të Izraelit)