Vajza e Alec Baldwin bën rrëfimin tronditës: Jam përdhunuar dhe ngela shtatzënë

Ireland Baldwin, vajza e aktorit Alec Baldwin, ka rrëfyer mes lotësh disa nga ngjarjet më të rënda në jetën e saj.

Ajo postoi një video në profilin e saj në TikTok, të cilën e titulloi “Unë jam këtu për ty” pas vendimit të Gjykatës së Lartë të SHBA.

“Përpara se të ndaj atë që do të ndaj, nuk mendoj se është përgjegjësi e askujt të flasë për këtë nëse nuk ndihet rehat.

Kam parë TikToks të panumërt në 24 orët e fundit ku gratë u thonë grave të tjera se është përgjegjësia e tyre të ndajnë historinë e tyre të abortit dhe unë e shoh se është pushtuese dhe e gabuar dhe thjesht jo e vërtetë.

Vetëm tani po e ndaj historinë time sepse dua që gratë e tjera të ndjehen të mbështetura dhe të dashura, pavarësisht nëse duan të ndajnë të tyren apo jo.

Unë u përdhunova kur isha adoleshente dhe isha plotësisht pa ndjenja kur ndodhi dhe kjo ndryshoi rrjedhën e pjesës tjetër të jetës sime. E mbajta atë sekret brenda meje për vite me radhë, dhe për shkak se e mbajta, më shkaktoi shumë dhembje për mua dhe për njerëzit që dua”-tha ajo.