Vdes aktorja e filmit të famshëm

Aktorja Kirstie Alley ka ndërruar jetë në moshën 71-vjeçare. Ishin fëmijët e aktores që konfirmuan lajmin përmes një njoftimi në rrjete sociale ditën e djeshme. 

“Me keqardhje duam t’ju njoftojmë se nëna jonë e mrekullueshme ka ndërruar jetë pas një lufte të gjatë me kancerin që e zbuloi së fundmi. Ajo ishte e rrethuar nga familjarët më të afërt duke na lënë një shije të pafundmi nga gëzimi i saj për jetën dhe shpirti i aventurës. Aq ikonë sa ishte në ekran, po aq e mrekullueshme ishte edhe si nënë apo gjyshe.”

Aktorja është e njohur për filmin “Look Who’s Talking” (Shiko kush flet) ku luan në krah të John Travolta-s i cili gjithashtu shprehu publikisht ngushëllimin e tij.

Aktorja u bë e famshme gjatë viteve 1987-ës dhe njihet për filmat dhe shfaqet e saj televizive ndër vite, përfshi këtu: Veronica’s Closet, It Takes Tëo dhe Drop Dead Gorgeous.

E ndjera fitoi çmimin Golden Globe si aktorja më e mirë dhe një çmim Emmy si aktorja më e mirë protagoniste në rolin e saj Veronica “Ronnie” Chase.