Vdes personi që kishte mbetur në një shtyllë elektrike në fshatin Bërnicë
Ka ndërruar jetë personi i cili kishte mbetur në një shtyllë elektrike në fshatin Bërnicë të komunës së Prishtinës.
Indeksonline ka raportuar pak më parë lidhur me rastin, ndërsa vdekjen e tij e kanë konfirmuar nga ekipi mjekësor.
“Para pak çastesh, personi që kishte mbetur në shtyllë elektrike, në fshatin Bërnicë është zbritur në tokë. Sipas ekipit mjekësor, është pa shenja jete”, u tha nga Zyra e Informimit të Policisë së Kosovës për Indeksonline.
Rreth orës 19:30 ekipet emergjente ishin njoftuar lidhur me rastin dhe me të pranuar informatën kishin arritur në vendin e ngjarjes./Indeksonline/