Vdes trajneri i njohur meksikan
Trajneri Ignacio Trelles Campos, i cili e udhëhoqi ekipin kombëtar të Meksikës në tri Kupa të Botës, ka vdekur në moshën 103-vjeçare.
Në popull i njohur si “Don Nacho”, Trelles e udhëhoqi Kombëtaren e Meksikës në 117 ndeshje ndërkombëtare.
Ai ishte trajner i Meksikës në turnet e Kupës së Botës më 1958, 1962 dhe 1966, si dhe ishte në krye të ekipit në turnet e futbollit të Lojërvae Olimpikë më 1964 dhe 1968.
Ish-klubi i tij Cruz Azul, të cilin e kishte udhëhequr drejt fitimit të titujve të njëpasnjëshëm në Primera Division më 1978-79 dhe 1979-80, njoftoi për vdekjen e tij.
Në përgjithësi, Trelles i fitoi shtatë tituj kampioni në Meksikë si trajner – që është rekord – ndërsa tre të tjerë si lojtar.
Our thoughts and prayers are with the family and friends of Ignacio Trelles, who made a huge contribution to football in Mexico https://t.co/IdYu5pNDxg
— Concacaf (@Concacaf) March 25, 2020
