Vdiq nga mbidoza, Hollivudi shënon 100-vjetorin e lindjes së Marilyn Monroe-s

Hollywoodi po nis një sërë ngjarjesh për të përkujtuar 100-vjetorin e lindjes së Marilyn Monroe-s.

Në Teatrin historik Kinez, ku gjurmët e duarve të Monroe-s janë përjetësuar së bashku me kolegen e saj të vitit 1953, Jane Russell, në filmin “Gentlemen Prefer Blondes”, fansat planifikojnë të këndojnë “Gëzuar ditëlindjen”, një referencë për serenatën e saj të famshme joshëse për presidentin John F. Kennedy, transmeton Indeksonline.

Vendi, i njohur për turistët si simbol i epokës së artë të Hollivudit, do të dekorohet me qindra trëndafila dhe do të shërbehet një tortë.

Festimet për aktoren legjendare filluan të dielën kur Muzeu i Akademisë hapi një ekspozitë, “Marilyn Monroe: Ikona e Hollivudit”, duke përkujtuar karrierën e saj në film dhe vdekjen e parakohshme. Një superyll në vitet 1950, aktorja vdiq nga një mbidozë në shtëpinë e saj në Brentwood në gusht të vitit 1962, në moshën 36 vjeçe./Indeksonline/