Veseli: Presim që së shpejti ta kemi vendimin për vizat
Kryetari i PDK-së Kadri Veseli thotë se qytetarët e Kosovës besojnë në vlerat që mishëron Evropa dhe ky besim është shprehje e drejtpërdrejtë e identitetit tonë evropian.
Sipas tij, populli i Kosovës nuk ka dilema për formën që do ta ketë e ardhmja e tij.
“Kjo e ardhme quhet – integrim i plotë në strukturat e Bashkimit Evropian dhe pjesë e NATO-s, që do të jetë rezultati final i punës sonë në përmbushjen e vizionit euro-atlantik.
Tani, ne presim që së shpejti ta kemi vendimin për liberalizimin e vizave, ndërsa kemi gjithë energjitë e duhura për ta përmbushur ëndrrën për Kosovën Evropiane”, ka shkruar ai.