Vetaksident në autostradën “Ibrahim Rugova”, lëndohen tre persona
Një vetaksident ka ndodhur rreth orës 11:00 të premten ku kanë mbetur të lënduar tre persona.
Këtë e ka konfirmuar për IndeksOnlinen, zëdhënësi i Policisë së Kosovës, Baki Kelani.
Ai bëri të ditur se të lënduarit janë dërguar në Emergjencën e Prizrenit.
IndeksOnline ka siguruar pamje nga vendi i ngjarjes.
“Sot rreth orës 10:55, ka ndodhur një aksident me lëndime në autostradën “Ibrahim Rugova” në afërsi të Suharekës. Një veturë me targa lokale është vetaksidentuar, ku në të kanë qenë 4 persona, ku tre prej tyre janë dërguar në emergjencën e Prizrenit.
Njësitet policore janë duke u marrë me rastin”, tha ai./IndeksOnline/