Vetëm gjashtë lojtar më të vjetër se Modric në histori të Real Madridit

Kontrata e re e Luka Modric me Real Madridin do të skadojë me 30 qershor 2022.

Në atë kohë, kroati do të jetë 36 vjeç, 9 muaj dhe 21 ditë dhe do të bëhet lojtari shtatë më i vjetër në histori të klubit mbretëror, shkruan Indeksonline.

Kur përfundon kontrata e tij e ardhshme, Modric do të jetë lojtari i shtatë më i vjetër që do të veshë fanellën e Madridit.

I pari në renditje është Puskas , i cili luajti ndeshjen e tij të fundit me 39 vjet, një muaj e gjashtë ditë. Ai është lojtari i vetëm në historinë e klubit të bardhë që ka prekur 40-shin me fanellën e Madridit, pasi lojtari tjetër në klasifikim është Paco Buyo, i cili luajti ndeshjen e tij të fundit në 38 vjet, dy muaj dhe tre ditë.

Podiumin e plotëson një tjetër portier, Jerzy Dudek i cili doli në pension 38 vjet, një muaj dhe 24 ditë. Të tre në pension në Real Madrid.

Në vendin e katërt shfaqet lojtari më i mirë në historinë e Real Madrid, Alfredo di Stéfano , i cili nuk u pensionua në Real Madrid dhe i cili mbrojti fanellën e bardhë deri në 37 vjet, 10 muaj dhe 23 ditë. Top 5 plotësohet nga Paco Gento, i cili ndaloi së luajturi për Madridin në 37 vjet e shtatë muaj.

Dhe pas pesë më të mirëve, Modric do të ketë vetëm një portier tjetër përpara, Miguel Ángel, i cili luajti ndeshjen e tij të fundit në të bardhë me 37 vjet, 5 muaj dhe gjashtë ditë.

Luka do ta përfundojë kontratën e tij në pothuajse 37 vjeç dhe do të jetë lojtari i katërt më i vjetër në fushë pas tre legjendave si Puskas, Di Stéfano dhe Gento. /IndeksOnline/