Pjesë telefonike “Samsungu” me vlerë 330.000 dollarëshe, të vjedhura gjatë transportit
Pjesët e telefonave celularë vlejnë shumë dhe nuk është e pazakontë që ata të vidhen.
Duke pasur parasysh shkallën në të cilën Samsungu i prodhon pajisjet, ajo ka pjesë me vlerë dhjetëra milionë dollarësh nëpër rrugë, në çdo moment.
Një dërgesë e tillë u godit nga gjashtë persona në Noida, Indi, transmeton Indeksonline.
Policia në Noida ka arrestuar gjashtë persona, përfshirë tre drejtues kamionësh, nën dyshimin se kanë vjedhur pjesët e telefonit “Samsung”.
Vlera e këtyre pjesëve thuhet se është pak më shumë se 330.000 dollarë.
Për fat të mirë, asnjë nga pjesët nuk humbën, pasi që policia i ka gjetur 56 kutitë e vjedhura./Indeksonline/