Vizat, instituti DBBS hetohet për mashtrim
Në Kosovë nuk po gjen punë, andaj një të tillë e kërkoi jashtë vendit, përmes institutit të aftësimit profesional DBBS.
Kështu Bekim Haradinaj nga një fshat i Vushtrrisë, që pavarësisht prezantimit kërkon t’i fshihet fytyra, pretendon se u mashtrua nga ky institucion që i premtoi atij vizë pune për 3 vjet.
Por nuk doli të jetë ashtu, njofton Klan Kosova.
Policia e Kosovës, konfirmoi se e ka hapur një rast kundrejt këtij institucioni.
Gjatë hetimeve do të mësohet edhe nëse DBBS ishte e lidhur me ndonjë institucion gjerman, në këtë veprimtari që po dyshohet të jetë mashtruese.