Vizita Thaçi-Haradinaj, Shala ju tha: “Ra Albini dhe ju u bëtë bashkë”

Shefi i Grupit Parlamentar të Nisma-s, Haxhi Shala ka treguar prapaskenat e takimit në ora 1 të natës me presidentin, Hashim Thaçi dhe ish-kryeministrin, Ramush Haradinaj.

Ai ka thënë se nga Thaçi dhe lideri i AAK-së mori këshilla miqësore për votimin e Qeverisë së re të drejtuar nga Avdullah Hoti, transmeton Indeksonline

Mirëpo, Haxhiu kishte mbetur i befasuar që ata dy ishin bërë bashkë. Deputeti i Nisma-s u kishte thënë se për këtë bashkim “fajtor” ishte kryetari i LVV-së, Albin Kurti.

“Për mua kanë ardhë si miq të vjetër, si bashkëluftuar. Veq i kum pa te shtëpia dhe ma sqaruan se vendi shkon në zgjedhje, kriza politike. Edje më thanë se varet qeveria nga unë.

Unë ju thash që ju kam miq, bashkëluftuar, konaku dhe miqësia e vjetër nuk ju kthej mbrapa. Unë votën e jap për juve. Juve edhe djalin me ma lyp jau kisha dhanë se ju kam bashkëluftuar. Ata më dhan këshilla. Ra Albini edhe ju bëtë bashkë… ata ma kthyen…, por jo s’dua ta tregojë”, ka deklaruar ai në Frontal. /Indeksonline/.