21:01 / E Shtunë, 27 Qershor 2020 / indeksADMonline

Vjosa Osmanit i lejohet t’i shoh votat për shkarkimin e saj nga postet e LDK-së

Kryeparlamentarja, Vjosa Osmani, gjatë ditës së sotme i ka kërkuar përmes një letre kryesisë së LDK-së që të shoh dhe rezultatin e shkarkimit të saj.

Tutje, Osmani ka kërkuar që t’i vihet në dispozicion lista e plotë e anëtarëve të KP-së së pasi që e njëjta sipas saj nuk është publikuar askund.

IndeksOnline mëson se Osmanit do t’i lejohet që t’i shikoj të gjitha votat brenda zyreve të LDK-së rreth procesit zgjedhor për shkarkimin e saj, nga pozita e nënkryetares dhe anëtares së kryesisë.

Në votimin për shkarkimin e saj nga 123 anëtarë sa i ka Këshilli Drejtues, 95 kanë marrë pjesë në votim. 70 kanë votuar për, 16 kundër dhe 9 kanë abstenuar.

Tani pozitën e saj në LDK e ka zënë kryeministri Avdullah Hoti./IndeksOnline/