Von Cramon: Unë nuk do të përdorja një hartë ku Kosova paraqitet si pjesë e Serbisë
Raportuesja për Kosovën në Parlamentin Evropian, Viola Von Cramon, ka thënë se nuk do ta përdorte një hartë ku Kosova paraqitet si pjesë e territorit të Serbisë.
Ajo kështu ka thënë pas një interviste që i dërguari special i Bashkimit Europian për dialogun Kosovë–Serbi, Miroslav Lajçak, ka bërë ku shihet një hartë në të cilën Kosova paraqitet si pjesë e Serbisë
“Jo e dobishme. Unë nuk do ta përdorja një hartë të tillë. Por kjo sigurisht nuk është zyra ime”, ka shkruar Von Cramon në llogarinë e saj në Twitter.
Ndërkohë që sot ka reaguar edhe ministrja në detyrë e Punëve të Jashtme, Meliza Haradinaj-Stublla, pas vendosjes së hartës së Ballkanit nga ana e Emisarit Lajcak në zyrën e tij, ku Kosova shihet si pjesë e Serbisë.
Kryediplomatja Haradinaj ka shkruar në Twitter se i ka dërguar një hartë të saktë të Ballkanit Perëndimor Emisarit Lajcak.