Vuçiq anulon urdhrin për gatishmëri të ushtrisë që e mori kur Thaçi vizitoi Ujmanin
Presidenti serb, Aleksandar Vuçiq ka anuluar urdhrin për gatishmëri ushtarake dhe reagim të shpejtë.
Vendimin në fjalë Vuçiq e mori mëngjesin e sotëm bashkë me Komandantin Suprem të Ushtrisë së Serbisë, transmeton Indeksonline.
“Presidenti i Serbisë dhe komandanti i lartë i ushtrisë serbe në përputhje me Ligjin e Mbrojtjes, ka urdhëruar Ministrin e Mbrojtjes, Aleksandar Vulin dhe gjeneralin e ushtrisë serbe, Milan Mojsiloviq për anulimin e gatishmërisë së forcave të reagimit të shpejtë”, thuhet në njoftimin e publikuar në mediat serbe.
Urdhërime për gatishmëri ushtarake Vuçiq e mori pikërisht në ditën e vizitës së presidentit Thaçi në Liqenin e Ujmanit dhe në territorin e veriut në përgjithësi. Gatishmëria luftarake dhe e ushtrisë u ngrit në nivelet më të larta në Serbi, pikërisht për këtë arsye.
Thaçi ka qëndruar në Ujman i përcjellur nga Njësitë Speciale të Policisë së Kosovës./Indeksonline/